13,000 கிலோ கழிவு தேயிலை மீட்பு

உடுநுவர பிரதேசத்தில் மேற்கொள்ளப்பட்ட சுற்றிவளைப்பின் போது 13,000 கிலோகிராம் கழிவு தேயிலை கண்டுபிடிக்கப்பட்டுள்ளது.

நேற்று (20) கம்பளை முகாமின் விசேட அதிரடிப்படை அதிகாரிகளால், உடுநுவர, தவுலாகல பொலிஸ் பிரிவிற்குட்பட்ட பூவெலிகொட பிரதேசத்தில் தேயிலை பதுக்கி வைக்கப்பட்டிருந்த 4 களஞ்சியசாலைகளில் இந்தச் சுற்றிவளைப்பு மேற்கொள்ளப்பட்டுள்ளது.

அதன்போது கழிவு தேயிலை தொகையுடன் களஞ்சியாசலை உரிமையாளர்கள் 4 பேர் கைது செய்யப்பட்டுள்ளனர்.

Advertisement

இந்தக் களஞ்சியசாலைகளில் நீண்டகாலமாக கழிவு தேயிலைகள் தேங்கி வைக்கப்பட்டிருந்தமை தெரியவந்துள்ளது.

சம்பவம் தொடர்பில் மேலதிக விசாரணைகள் முன்னெடுக்கப்பட்டு வருகின்றன.