தொடர்ந்து 6-வது வெற்றி: திக் திக் ஆட்டத்தில் சென்னையை வீழ்த்தி ஆரவாரமாக பிளேஆஃபில் நுழைந்த ஆர்சிபி

ஐபிஎல் தொடரில் தொடர் தோல்விகளால் துவண்டுபோய் வெளியேறும் நிலையில் இருந்த ஆர்சிபி அணி கணிப்புகளை எல்லாம் பொய்யாக்கி ஆரவாரமாக பிளேஆஃப் சுற்றுக்குள் நுழைந்துள்ளது. பிளே ஆஃப் செல்வது யார் என்பதை தீர்மானிக்கும் போட்டியில் சென்னையை அபாரமாக வீழ்த்தி ரன் ரேட் அடிப்படையில் ஆர்சிபி அணி அடுத்த சுற்றுக்கு முன்னேறியுள்ளது.

சிஎஸ்கே அணி 7 விக்கெட் இழப்புக்கு 191 ரன்கள் சேர்த்து 27 ரன்களில் தோல்வி அடைந்து ஐபிஎல் போட்டியிலிருந்து வெளியேறியது. கடந்த 3 வாரங்களுக்கு முன்புவரை புள்ளிப்பட்டியலில் கடைசி இடத்தில் இருந்த ஆர்சிபி அணி ப்ளே ஆஃப் சுற்றுக்குத் தகுதி பெற்றது.